தக்காளித் தொக்கு | தக்காளிக் கூட்டு

இட்லி, தோசை மற்றும் சப்பாத்திக்குத் தொட்டுக்கொள்ள சுவையான தக்காளித்தொக்கு செய்முறை...சாதத்துடன் சாப்பிட, சுலபமான தக்காளி சாலட் செய்முறையையும் பாருங்கள்.

தேவையான பொருட்கள்

பெரிய தக்காளி - 3

வெங்காயம் - 2

பச்சை மிளகாய் - 2

மஞ்சள் பொடி- 1/4 தேக்கரண்டி

வத்தல்பொடி - 1/2 தேக்கரண்டி

சாம்பார்ப்பொடி - 1/2 தேக்கரண்டி

கறிவேப்பிலை - 2 இணுக்கு

எண்ணெய் - 3 தேக்கரண்டி

கடுகு, உளுத்தம்பருப்பு

உப்பு - தேவையான அளவு

செய்முறை

தக்காளியையும் வெங்காயத்தையும் பொடியா நறுக்கி வச்சுக்கோங்க.
பச்சை மிளகாயைக் கீறிக்கோங்க.

வாணலியில் எண்ணெய்விட்டு, கடுகையும் கொஞ்சம் அதிகமாகவே உளுத்தம்பருப்பையும் போட்டு , கடுகு வெடிச்சதும் கறிவேப்பிலையைச் சேருங்க.

அடுத்து பொடியாக நறுக்கிய வெங்காயத்தைச் சேர்த்து,  சிறிது உப்பையும் சேர்த்து வதக்குங்க.

வெங்காயம் நன்றாக வதங்கியதும் தக்காளியைப் போட்டு, தக்காளி கரையுமளவுக்கு வதக்குங்க.

வதக்கும்போதே, மஞ்சள்,வத்தல் சாம்பார்ப்பொடிகளையும் சேர்த்து வதக்கி, கால் கப் தண்ணீர் சேர்த்துவிட்டு, உப்பு சரிபார்த்து, கலவை கெட்டியாகும் சமயத்தில் இறக்குங்க.

இந்தத் தக்காளித்தொக்கில், தண்ணீரே சேர்க்காமல் செய்தால், பயணங்களுக்கு எடுத்துச்செல்ல வசதியாக இருக்கும். மறுநாள் வரைக்கும் கெடாமலும் இருக்கும்.

சப்பாத்தி, இட்லி தோசை எல்லாவற்றிற்கும் பொருத்தமாக இருக்கும்.

*****************