பாசிப்பருப்பு முறுக்கு | முறுக்கு செய்முறை

நினைத்த மாத்திரத்தில் எளிதாகச் செய்யக்கூடிய சுவையான முறுக்கு

தேவையான பொருட்கள்

பாசிப்பருப்பு - 1/2 கப்

அரிசி மாவு - 1 கப்

வெள்ளை எள் - 2 தேக்கரண்டி

வெண்ணெய் அல்லது நெய் - 1 தேக்கரண்டி

பெருங்காயத்தூள் - 1 சிட்டிகை

எண்ணெய் - பொரித்தெடுக்க

உப்பு - தேவையான அளவு

செய்முறை

பாசிப்பருப்பை நன்கு குழைவாக வேகவைத்து எடுத்துக்கோங்க.

மசித்த பருப்புடன், உப்பு, வெண்ணெய், எள், அரிசிமாவு, பெருங்காயத்தூள் கலந்து தேவைப்பட்டால் சிறிது நீர் தெளித்து, கெட்டியாகப் பிசைந்துகொள்ளுங்க.

தேவைப்பட்டால் கொஞ்சம் சீரகமும் சேர்த்துக் கொள்ளலாம்

தேன்குழல் அச்சில் பிழிந்து இருபுறமும் வேகவிட்டு எடுங்க.

மொறுமொறுப்பான பாசிப்பருப்பு முறுக்கு தயார்.

******************