சளி, இருமல் மற்றும் தொண்டை பிரச்சினைகளுக்கான ஏற்ற பாட்டி வைத்தியம். சுலபமான மிளகு கஷாயம் செய்முறை. இந்தக் கஷாயம், ஆஸ்துமா மற்றும் வாய்வுப் பிரச்சனைகளில் நலம் பெறவும் உதவும்.
தேவையான பொருட்கள்
மிளகு - 1 டீஸ்பூன்
பொடி செய்த சுக்கு - 1/2 டீஸ்பூன்
பனங்கல்கண்டு - 3 டீஸ்பூன்
தண்ணீர் - 1 1/2 கப்
செய்முறை
இரண்டு பேருக்குத் தேவையான மிளகு கஷாயம் செய்ய, ஒன்றரை கப் தண்ணீரை ஒரு பாத்திரத்தில் விட்டுக் கொதிக்க விடவும்
மிளகையும், சுக்கையும் கரகரப்பாகப் பொடித்து வைக்கவும்.
பொடித்த சுக்கு, மிளகைக் கொதிக்கும் தண்ணீரில் சேர்த்து, மிதமான தீயில் 5 முதல் 8 நிமிடங்கள் மூடி வைத்துக் கொதிக்க விடவும்.
எடுத்து வைத்திருக்கும் பனங்கற்கண்டு சேர்க்கவும். கூடுதலாகவும் சேர்த்துக்கொள்ளலாம்.(பனங்கற்கண்டு இல்லையென்றால், கஷாயத்தை இறக்கிய பிறகு தேன் சேர்த்துக் கலந்துகொள்ளலாம்.)
மேலும் 2 நிமிடங்கள் பனங்கற்கண்டு நன்றாகக் கரையவிட்டு அடுப்பை அணித்துவிடலாம்.
சிறிது ஆறிய பின் வடிகட்டிப் பரிமாறவும்.
******
கருத்துகள்
கருத்துரையிடுக
திண்ணைக்கு வந்த அனைவருக்கும் என் அன்பான வரவேற்புகள்!!!